13Mar-2025
Gúlaysha Esemuratova 95 jasta
Qanlıkól rayonı Málimleme-kitapxana orayı hám Mektepke shekemgi hám mektep bilimlendiriw bólimine qaraslı 6-sanlı mektepte «Aral qızları» jırshısı Qaraqalpaqstan xalıq jazıwshısı Gúlaysha Esemuratova nıń 95 jasqa tolıw múnásebeti menen ádebiy keshe shólkemlestirildi. Ádebiy keshege 6-sanlı mektep kitapqumar oqıwshıları qatnastı. Keshe dawamında jazıwshınıń kitaplarınan shólkemlestirilgen kitap kórgizbeler menen tanıstırıldı hámde jazıwshınıń ómir jolı dóretpeleri haqqında qatnasıwshılarǵa keńnen sholıw berildi. Keshe dawamında oqıwshılar tárepinen tayarlanǵan saxnalıq kórinis qoyılıp hám jazıwshınıń qalemine tiyisli gúrrińlerden sáwbetlesiw boldı. Keshe mazmunlı ótti. Oqıwshılarda kitapqa bolģan muxabbat oyatıw, olardıń kitapqumarlıģın asırıwda kitapxananıń tutģan ornı ùlken, dep oylayman. Qanlıkól rayon xalqın kitap oqıwģa shaqırıp qalaman.
