24Mar-2026
Ziyrek kitapqumar
Jańa kitapxana orayında “Ziyrek kitapqumar” tańlawı bolıp ótti
Zamanagóy Málimleme-kitapxana orayınıń jańa imaratı ashılıwı múnásibeti menen rayon jasları arasında “Ziyrek kitapqumar” tańlawı bolıp ótti. Ilajda rayon hákimi B.Sultanov, Qaraqalpaqstan xalıq jazıwshısı, Berdaq atındaǵı mámleketlik sıylıqtıń laureatı M.Nızanov jıynalǵanlardı qutlıqladi.
Tańlawga Qaraqalpaqstan xalıq jazıwshısı, Berdaq atındaǵı mámleketlik sıylıqtıń laureatı M.Nızanovtin «Aqshagúl» shıǵarmasın oqip shigiw tapsirma etip berilgen edi. Qatnasıwshılar shıǵarmadan tayarlanǵan sorawlar hám testlerge juwap berip, óz bilimlerin sınap kórdi. Jańa imarattıń ashılıw saltanatında eń joqarı nátiyje kórsetken qatnasıwshılar anıqlanıp, jeńimpazlar diplom, estelik sawǵaları hám bahalı sıylıqlar menen sıylıqlandı.
Bunday ilajlar jas áwladtı kitapqa úyretiw, olardıń bilim dárejesin arttırıw hám keleshekte jetik, keń dúnyaqarasqa iye insanlar bolıp kamalǵa keliwinde úlken áhmietke iye.
