Qanlıkóldiń dóretiwshı jasları

Qanlıkóldiń dóretiwshı jasları

“Qanlıkóldiń dóretiwshı jasları” kitabınıń prezentasiyası bolıp ótti

Bugin Jaslar orayı imaratında Respublika Ruwxıylıq hám aǵartıwshılıq orayı Qanlıkól rayonlıq bólimi, oraydın Sırdárya wálayatı bólimi qáwenderliginde rayondaǵı jas dóretiwshilerdiń qosıq hám gùrrińlerinen ibarat “Qanlıkóldiń dóretiwshi jasları” atamasındaǵı kitabınıń prezentatsiyası bolıp ótti.
Ilajǵa Rayon hákimi orınbasarı R.Qalimbetov, Respublika Ruwxıylıq hám aǵartıwshılıq orayı rayonlıq bólimi baslıǵı P.Jumamuratov, Ózbekstan hám Qaraqalpaqstan Jazıwshılar awqamı aǵzası N.Dawletbaev, “Qanlıkól xabarları” gazetası jurnalistleri, Málimleme kitapxana orayı qániygeleri ham mekteplerdin dóretiwshi oqıwshı jasları qatnastı.
Bul kitapta jas dóretiwshilerdıń jaslıq jiger menen jazılǵan qosıqları tiykarınan Ana-Watan, tuwılǵan jer, ata-ana hám ustazlarına arnalǵan. Sonday-aq, qálem uslatıp ádebiyat maydanına baslap barǵan ustazlarına arnaw qosıqları, gúrrińleri de orın alǵan.