Qaraqalpaqstan Respublikası Konstituciyası qabıl etilgenliginiń 32 jıllıǵı

Qaraqalpaqstan Respublikası Konstituciyası qabıl etilgenliginiń 32 jıllıǵı

Demokratiyalıq principlerge tiykarlanǵan erkin puqaralıq jámiyetin payda etiwdiń áhmiyetli shártleriniń biri – bul insan huqıq hám erkinlikleriniń ámelde támiynleniwi bolıp tabıladı. Mámleketimizde qabıl etilip atırǵan hár qanday Nızam hám Nızam astı hújjetler insanıylıq ideyası sińdirilgen Konstituciyamız negizinde qabıl etiletuǵınlıǵın atap ótiw orınlı.Qanlıkól rayonı, rayon keń jámiyetshiligi konstituciyamız qabıl etilgenliginiń 32 jıllıǵı bayramın úlken jetiskenlikler menen kútip aldı.Saltanatlı bayram keshesine rayondaǵı barlıq mákeme, kárxana, shólkemler hám huqıq qorǵaw uyımları basshıları qatnastı. Jıynalǵanlardı rayon hákimi B.Sultanov hám basqalar bayram menen qutlıqlap, rayon kóleminde islengen jumıslarǵa toqtaldı. Tiykarǵı Nızamımız bolǵan milliy Konstitucyamızdıń tiykarǵı baǵdarı – insan hám onıń ómirin biybaha qádiriyat dárejesine kóteriw bolıp sanaladı.Bul jılıda Qanlıkól rayonı turmısında úlken burılıslar, rawajlanıwlar jılı bolǵanlıǵı hámmemizge ayan. Jıl dawamında xalıqtı sociallıq jaqtan qorǵaw, bántligin asırıw, jaslar siyasatı, hayal-qızlardı qollap-quwatlaw, ekonomika tarmaqlarındaǵı rawajlanıwlar, xalıqtıń turmıstan razı bolıp jasaw kónlikpeleriniń payda bolǵanlıqları menen kózge taslanadı.Bayram keshesinde rayonlıq mádeniyat bólimi, sonday-aq, Nókis qánigelestirilgen mádeniyat mektebiniń Demli ásbaplar orkestr jámáátiniń bayram koncerti jıynalǵanlarǵa ózgeshe zawıq baǵıshladı