30Nov-2023
Mártebeń bálent bolsın Ana tilim
Qanlıkól rayonı Málimleme kitapxana orayında 1-dekabr Qaraqalpaq tiline mámleketlik til biyligi berilgenliginiń 34 jıllıǵı munasibeti menen “Mártebeń bálent bolsın, Ana tilim” atamasında ádebiy keshe shólkemlestirildi. Ádebiy keshege rayonlıq Mektepke shekemgi hám mektep bilimlendiriw bólimine qaraslı 21-sanlı mektep oqıwshıları hám usı mekteptiń qaraqalpaq tili hám ádebiyatı páni oqıtıwshısı R.Saparova mirát etildi. Keshede Málimleme kitapxana orayı direktorı P.Atamuratova úám R.Saparovalar sózge shıǵıp, tájiriybeli ustaz hár bir xalıqtıń milliy ózgesheligin bildirip turıwshı óz ana tili ekenligin, milliy tili arqalı basqa xalıqlardan ajıralıp turatuǵınlıǵı, jas áwladqa óz ana tilin jaqsı úyreniw hám basqa millet tillerin húrmet etiw kerekligin aytıp ótti. Ilaj oqıwshılar tárepinen tayarlanǵan ana -tilimizdi ullılawshı qosıq hám qosıqlar, naqıl-maqallar hám oyın-zawıq penen dawam etti. Keshege 32 kitapxan oqıwshı qatnastı.
